Udal eta foru hauteskundeak 2019: Maiatzaren 26an, Euskadin eta Nafarroan | EITB Hauteskundeak albisteak

Udalen osaketa

12:33

Udalen osaketa

Hauteskunde-kanpaina

Aguilarrek ohartarazi du PPk zentral nuklearrez beteko duela Espainia

Erredakzioa

Espainiako Gobernuko Ingurumen ministroak "benetako konpromisoa" dagoela Ministroen Kontseiluaren partetik 2013 urtean Garoñako (Burgos) zentral nuklearra ixteko.

62
  • Whatsapp
  • Whatsapp
  • telegram
  • Bidali

Rosa Aguilar Espainiako Gobernuko Ingurumen ministroak defendatu egin du sozialisten energia berriztagarrien aldeko apustua, eta Mariano Rajoy PPko buruak Espainia zentral nuklearrez beteko duela ohartarazi du.

Ministroa Gasteizen izan da asteazken arratsaldean. Bertan, goratu egin du Patxi Lazcoz alkategai sozialistaren lana, hiria Europako Hiriburu Berde 2012 izendatzea lortu baitu.

Aguilarrek gogorarazi du "benetako konpromisoa" dagoela Ministroen Kontseiluaren partetik 2013 urtean Garoñako (Burgos) zentral nuklearra ixteko.

Ministroaren esanetan, Lazcozek "hirigintza ordenatua eta gertua" egin du, eta Gasteizen mugikortasun jasangarria, aire kalitatea, ur aurrezkia eta zabor tratamendua jarri ditu adibide.

Txarli Prieto Arabako ahaldun nagusigai sozialistak ere Garoñako zentrala ixteko konpromisoa aipatu du, eta PPk "zabalik" utzi nahi duela ohartarazi du.

"Eskuinak gobernatzen badu, energia berriztagarrien aurka egingo du", nabarmendu du.

Patxi Lazcoz alkategaiak esan du Gasteiz "Green Capital 2012" izatea gasteiztarrentzat arrakasta dela, Arabako hiriburua Euskadin eta Europan "erreferente" izatea lortu baitute.

Bere esanetan, PPk gobernatzen duen hiriak langabezi handiena dutenak dira, baina Donostia eta Gasteiz Espainia osoan langabezi txikienetakoak dutenak dira.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena