Udal eta foru hauteskundeak -

Kanpainaurrea

Corominasek kritikatu du EAJk "bizkarra ematen" diola gazteek hirian etxebizitza eskuratzeko duten arazoari

PPren Donostiako alkategaiak esan du "gauza asko" daudela egiteko arlo horretan, baina jeltzaleek ez dutela "ez gogorik ez anbiziorik".

Borja Corominas, hedabideen aurreko adierazpenetan, Donostian. Argazkia: EITB Media
Borja Corominas, hedabideen aurreko adierazpenetan, Donostian. Argazkia: EITB Media
Borja Corominas, hedabideen aurreko adierazpenetan, Donostian. Argazkia: EITB Media

Agentziak | EITB Media

Whatsapp Facebook Twitter Telegram Email

Borja Corominas PPren Donostiako alkategaiak kritikatu du EAJk "bizkarra ematen" diola gazteek hirian etxebizitza bat eskuratzeko duten arazoari. Bere ustez, "gauza asko daude egiteko" arlo horretan, baina jeltzaleek ez dute "gogorik eta anbiziorik".

Donostian hedabideen aurrean egindako adierazpenetan, Corominasek gogorarazi du Gipuzkoako Foru Aldundiak baieztatu egin duela azken hamarkadan 25.000 gazte gipuzkoarrek, lau mila donostiar tartean, "Gipuzkoa utzi" behar izan dutela eta Euskaditik "haratago" dauden proiektuak bilatu behar izan dituztela.

"Hainbat arrazoi daude, bi garrantzitsuenak, etxebizitza bat eskuratzeko ezintasuna eta lan merkatuaren ezegonkortasuna, Donostian edo Gipuzkoan gustura bizitzeko adina ordainduko dizuten lan bat eskuratzeko ezintasuna", adierazi du.

Testuinguru horretan, EAJk "arazo horri bizkarra ematen" diola kritikatu du, Donostian bizitzea "donostiar guztien eskubidea" denean.

Hau zure interesekoa bada, baliteke beste gai hauek ere izatea
Politika albisteak EAJ-PNV Araba Donostiako azken albisteak Euskal herriak Gaurko albisteak Gipuzkoa Euskal Autonomia Erkidegoa Euskadiko PP berriak Hautagaiak Prentsa digitalaren azken orduko Albisteak Hauteskundeak Udal eta foru hauteskundeak 2023 Eae-ko udal eta foru hauteskundeak Gazteak albisteak Higiezinen merkatua gaur