Gabonetako loteria 2017 | Gabonetako loteriako zenbakiak ikusi | EITB Gabonetako loteria

Gabonetako Loteria 2020

16:17

Gabonetako Loteria 2020

Zozketa

Gabonetako Loteriak diru apur bat bakarrik utzi du EAEn eta Nafarroan

Agentziak | Erredakzioa

Urteko zozketarik estimatuenak 1.266.000 euro banatu ditu Euskadin eta 64.000 Foru Erkidegoan. EAEko herritarrek 75 eurona jokatzen zuten, eta nafarrek, aldiz, 55 eurona.

  • Ormaecheak, Bibon, sariak eman ditu. Argazkia: EFE.

    Ormaecheak, Bibon, sariak eman ditu. Argazkia: EFE.

  • Whatsapp
  • Whatsapp
  • telegram
  • Bidali

Asteartean egindako Gabonetako Loteriaren zozketak 1.266.000 euro banatu ditu Euskadin; izan ere, EAEn hirugarren saria, laugarrenetako bat eta bosgarrenetako lau irten dira. Nafarroan, sei dezimok utzi dituzte 64.000 euro, guztira; bi laugarren sari batekoak ziren, eta beste laurak, aldiz, bosgarren batzuetakoak.

Hala, zorteak diru apur bat besterik ez du utzi Euskal Herrian. EAEko herritarrek 75 eurona zuten jokoan, astearte honetako zozketan, eta nafarrek, aldiz, 55 eurona jokatzen zuten.

Portugaleten, hirugarren saria

EAEn, 5.163 zenbakia izan da nabarmenetakoa; izan ere, hirugarren saria jaso du (serieko 500.000 euro) eta 50.000 euro utzi ditu Portugaleten (Bizkaia). Zenbakia 13:11n atera da, bederatzigarren taulako zazpigarren alanbrean, eta udalerriko Gorbea Mendi plazako 1. zenbakiko administrazioan saldu dute.

Diru gehien banatu duena 71.119a izan da. Bi laugarren sarietako bat izan da, eta serieko 200.000 euro ekarri du. Guztira, Bilbok, Gasteizek, Donostiak, Errenteriak, Elorriok, Basaurik eta Zarautzek 580.000 euro jaso dituzte.

Elorrioko 1. Administrazioak (Urarka, 3) serie bat saldu du; horrenbestez, 200.000 euro banatu dira. Errenterian, Capitan Enea kaleko 15. zenbakian dagoen administrazioak 8 dezimo saldu ditu, hau da, 160.000 banatu ditu. Eta Gasteizen, Florida kaleko administrazioak 3 dezimo saldu ditu, 60.000 euro banatuz.

Bilbon, laugarren sari hori Ledesma kaleko 16. zenbakiko bulegoan saldu dute (41. administrazioan) eta Tutulu 2koan. Basaurin, Antonio de Trueba 2koan saldu da, eta Gasteizen 16.ean (Prado, 20).

Donostian, ondorengo administrazioetan saldu dute: 21.ean (San Frantzisko, 24), 8.ean (Narrika, 21) eta Gazteluko kaleko 2 zenbakikoan. Zarautzen, San Frantzisko kaleko kioskoan saldu dute. Administrazio hauek dezimo bana saldu dutenez, guztira 160.000 euro banatu dituzte.

Bilbok, Barakaldok, Irunek eta Gasteizek, halaber, 552.000 euro gehiago ere jaso dituzte; izan ere, bosgarren sarietako baten zati bat saldu da bertan, alegia, 943 zenbakiarena. Hain zuzen, zenbaki hori (serieko 60.000 euro jaso ditu) Bilbon saldu dute (4. administrazioan, Ribera 14an, 1.ean, Ormaechean, 8.ean, Azcarretan eta Diputazio kaleko 4. zenbakian).

Zati bat Barakaldon ere saldu dute (Megaparken), Gasteizen (Campo Los Palacios kaleko 4. zenbakian) eta Irunen, Pinar kalean, 7. zenbakian.

89.023 zenbakiak bosgarren sarietako bat jaso du, eta Bilbon 60.000 euro utzi ditu. Zenbakia 13:07an irten da, bederatzigarren taulako seigarren alanbrean, eta Corte Ingleseko administrazioan saldu dute.

Sestaon, beste bosgarren batek 12.000 euro banatu ditu, Carrefour merkataritza-gunean; eta Azpeitian ere horrenbeste laga du, Goiko kaleko administrazioan, 1. zenbakian.

Azkenik, beste bosgarren batek, alegia, 43.221ak, beste 12.000 euro gehiago utzi ditu Bilbon; hain zuzen ere, dezimo bat saldu dute Ormaechean. Pasaiako Azkuene kaleko 2 zenbakiko administrazioan ere beste dezimo bat saldu dute.

Nafarroan, solte saldutako dezimoak

Nafarroan, saria izan duten dezimo guztiak solte saldu dituzte, terminaletik erosiak Iruñean, Tuteran, Cascanten eta Cordovillan. Hala eman dio jakitera Eferi Cristina Garcia Echeverria Estatuko Loteria eta Apustuen Nafarroako ordezkariak.

Hain zuzen, Nafarroan laugarren sarietako baten bi dezimo saldu dituzte (71.119arenak), eta 20.000na euro utzi dituzte horiek; eta bosgarren sarietako lehenaren eta hirugarrenaren bina dezimo ere saldu dituzte (18.102 eta 43.221 zenbakietakoak). Azken lau horietako bakoitzak 6.000 mila euro utzi ditu.

Garciak adierazi du Gabonetako Loteriak zalaparta sortu duela Nafarroan, baina eragin txikia izan duela; izan ere, sari txikiek eta hurbiltzeek, seguraski, sari handia izan duten dezimoek utzitakoa baino gehiago bilduko dute.

Laugarren sariko bigarren zenbakiko dezimoetako bat Karpi tabernan saldu dute, Marcelo Celayeta etorbidean, Arrotxapean. Oraingoz, ez dakite bertan zeinek erosi zuen dezimo hori.

Tuterako Cuesta de la Estacion kaleko 8. zenbakian dagoen administrazioan, terminalen bidez saldu dute zenbaki hori bera. Maria Jose Garcia Lopez administrazio-jabeak Eferi esan dioenez, ixtear zeuden jakin duenean saria banatuta zuela.

Bosgarren sariko hirugarren zenbakiko dezimo bat, alegia, 43.221ekoa, Iruñeko 13. Administrazioan saldu dute. Vínculo plazan kokatzen da administrazio hori. Maria Pilar Calongek duela 36 urte ireki zuen, eta adierazi du bigarren sariko ehunekoaren dezimoak ere saldu dituela (12.775 zenbakia izan da bigarren saria); hortaz, euroko bost euro eman ditu horrekin.

Zenbaki horretako beste dezimo bat Cascanteko 1. Administrazioan saldu dute, Romero kaleko 19an, terminalen bidez.

Iruñeko 11. administrazioak eta Cordovillakoak, gainera, bosgarren sarietako baten dezimoak saldu dituzte (18.102koak). Jose Mari Ilarregui Iruñeko administrazioko arduradunak (Hiper Eroskin dago) Eferi azaldu dio saria terminaletik atera zutela, azken orduan, zeren eta leihatilan dezimo guztiak saldu baitzituzten.

Zenbaki horretako beste dezimoa Leclerc hipermerkatuan dagoen administrazioan saldu dute, Morean, Cordovillan. Olaia Rus arduradunak esan du bakarrik terminalez saldu dutela loteria, haiek ez dutelako esleitutako dezimorik.

Gabonetako Loteriaren historian zehar, sari nagusia bost aldiz bakarrik irten da Nafarroan: hiru aldiz Iruñean (1829an, 1853an eta 1974an), behin Altsasun (1963an) eta beste behin Tuteran (2012an). Iaztik, aukera dago sariak abenduaren 22ko arratsalde-gauean ere kobratzea.

Iruzkinak

  • Publizitatea

    bilatu zure zenbakia

    Zk. Zenbatekoa

    Zure zenbakiaren saria €koa da

    Sartu zenbat diru jokatu duzun

    Hurrengo kodigoa kopiatu zure webean bilatzailea agertzeko:

    Gabonetako Loteria 2020

    1. saria

    - - - - -

    2. saria

    - - - - -

    3. saria

    - - - - -

    4. saria

    • - - - - -
    • - - - - -

    5. saria

    • - - - - -
    • - - - - -
    • - - - - -
    • - - - - -
    • - - - - -
    • - - - - -
    • - - - - -
    • - - - - -
    Loteria Gabonetako Loteria: zenbaki saridunak, albisteak... Loteria

    Publizitatea

    Publizitatea

    Bisitatuena

      Kargatzen ikusiena
      Kargatzen ikusiena