Eusko Jaurlaritzak bilera deitu du, lehorteak abeltzaintzako ustiategietan dituen ondorioak aztertzeko

Eusko Jaurlaritzak Nekazaritza eta Klima Aldaketaren Mahaia deitu du ostiralean, gainerako erakundeekin eta lehen sektorearekin batera aztertzeko nekazaritza eta abeltzaintzako ustiategien egoera, lehengaien prezioen igoerak eragin eta azken hilabeteetako ur faltak larriagotu duena.

Arantxa Tapia Ekonomiaren Garapen, Jasangarritasun eta Ingurumeneko sailburuak eta Bittor Oroz Nekazaritzako, Arrantzako eta Elikagai Politikako sailburuordeak, San Isidro eguna dela eta, bisita egin dute Hondarribiko Mugarrieta ustiategira.

Lehortea hizpide esan dutenez, "ez dio gizarte osoari eragin, baina bai nekazaritzako eta abeltzaintzako profesionalei". Horregatik, Eusko Jaurlaritzak Nekazaritza eta Klima Aldaketaren Mahaia deitu du ostiral honetan, gainerako erakundeekin eta sektorearekin esparruko profesionalen egoera aztertzeko.

Bileran, gaur egungo egoeraren diagnostikoa kontrastatu eta zenbait ekimen prestatuko dituzte, ur faltak aziendaren elikaduran eta baratzeen mantentze lanetan eragin ditzakeen arazoak arintzen laguntzeko.

Bisitan, alegatua egin du sailburuak euskal nekazaritza eta abeltzaintzaren ereduaren alde, familia nekazaritzan oinarritua, eta belaunaldi erreleboa azpimarratu du, "Euskadiko lehen sektorearen etorkizunaren funtsezko pieza" baita.