Itxi

Gizartea

Koronabirusa

Beste lau pertsona hil dira Arabako adinekoen egoitzetan eta hamabi Gipuzkoakoetan

Agentziak | Erredakzioa

Araba da adinekoen egoitzetan heriotza gehien izan dituen lurraldea, orain arte 72.

  • Adinekoen egoitza

    Adinekoen egoitza. Argazkia: EiTB

Arabako adinekoen egoitzetako erabiltzaileen artean erregistratutako lau heriotza berrien ondorioz, 72 pertsona hil dira koronabirusaren ondorioz mota horretako zentroetan Araban.

Arabako Foru Aldundiak ohar baten bidez jakinarazi duenez, lau hildako berri horietatik bi ospitaletan izan dira. Era berean, datu horiek azken asteetan zenbait egoiliarren osasun egoerak okerrera egin duten egoerei erantzuten dietela jakinarazi du.

Koronabirusak eragindako osasun krisia hasi zenetik, guztira 72 lagun hil dira. Horietatik 46 zentro pribatuetan bizi ziren, 23 foru egoitzetan eta gainerako hirurak lurraldeko udal ekipamenduetan.

Heriotza gehienak ospitaleetan izan dira (40) eta 32 egoitzetan. Era berean, 340 egoiliarrek positibo eman dute gaitzaren probetan. "Kasu horien gorakada bat dator azken egunetan egindako testen gorakadarekin", azpimarratu du foru erakundeak.

Egoitzaek 27 pertsona eraman dituzte ospitaleetara, osasun-egoera larrian daudelako, eta koronabirusa duten pertsona gehienak artatzeaz arduratzen dira (199).

Gipuzkoari dagokionez, azken 48 orduetako datuen arabera, 12 lagun hil direla Gipuzkoako adinekoen egoitzetan jakinarazi du Foru Aldundiak. Guztira 5.425 pertsona artatu dituzte, eta 33k positibo eman dute Covid-19an.

Azken heriotzak erregistratu dituzten egoitzak Tolosako Iurreamendi (2), Eibarko Egogain (1), Zarauzko Santa Ana (1), Zumaiako Otezuri (1), Beasaingo Arangoiti (4) eta Ordiziako San Jose (3) izan dira. Orain arte 40 adineko hil dira.

Guztira 14 egoitzak erregistratu dute kasu positiboren bat, 65 zentrok osatutako saretik. Egoitza-sare osoan guztira 199 positibo izan dira, 20 ospitaleratuta daude eta 34 Donostiako Gurutze Gorriaren zentrora eraman dituzte.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu; Osasun Batzordearen telefonoa, 900 20 30 50 zenbakia, eskuragarri duzu, zalantzarik izatekotan. Nafarroan bizi bazara, Osasun Batzordearen telefonora dei dezakezu: 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.
  • Bisitatuena

      Kargatzen ikusiena
      Kargatzen ikusiena