Gizartea -
Koronabirusaren semaforoa
Gernika-Lumo eta Markina-Xemein eremu gorrira pasatu dira; 11 udalerri daude bertan
Asteazkenean arriskurik handiena zehazten duen zonaldean zeuden udalerri guztiek berdin jarraitzen dute. Guztira, 25 daude eremu laranjan.
J. E. | EITB MEDIA
Gernika-Lumo eta Markina-Xemein eremu gorrira pasatu dira ostegun honetan, covid-19ak Euskadin herriz herri izandako eragina neurtzen duen Eusko Jaurlaritzako Osasun Sailaren semaforoaren arabera. Hala, guztira, 11 udalerri daude arriskurik handiena zehazten duen zonaldean; eremu laranjan, aldiz, 25 udalerri daude.
Gipuzkoan, Andoain, Beasain, Villabona eta Zumaia maila kritikoenean daude oraindik.
Eremu laranjan, hauek daude: Aretxabaleta, Azkoitia, Azpeitia, Deba, Donostia, Eibar, Elgoibar, Errenteria, Lazkao, Mutriku, Ordizia, Orio, Pasaia, Tolosa eta Zumarraga. Mutriku eta Orio batu dira ostegunean eremu horretan dauden herrien zerrendara.
Hondarribia eta Arrasate eremu laranjan zeuden asteazkenean, baina horira pasatu dira. Astigarraga, Bergara, Hernani, Irun, Lasarte-Oria, Legazpi, Lezo, Oiartzun, Oñati, Urnieta, Urretxu, Usurbil eta Zarautz ere ageri dira bertan.
Eremu berdean, beraz, ez dago udalerririk.
Bizkaian, Muskiz, Amorebieta-Etxano, Bermeo eta Lekeitio eremu gorrian zeuden aurretik, eta Gernika-Lumo eta Markina-Xemein batu zaizkie orain.
Eremu laranjan, alegia, bigarren mailan, Abanto Zierbena, Balmaseda, Barakaldo, Bilbo, Durango, Elorrio, Getxo, Mungia eta Trapagaran daude.
Abadiño, Arrigorriaga, Basauri, Berango, Derio, Erandio, Ermua, Etxebarri, Galdakao, Gorliz, Gueñes, Leioa, Ondarroa, Ortuella, Portugalete, Santurtzi, Sestao, Sopela eta Zalla, berriz, eremu horian daude.
Udalerri bakar bat ere ez dago eremu berdean.
Arabako datuei dagokienez, ez da aldaketarik izan. Agurainek eremu gorrian jarraitzen du.
Gasteizek, bitartean, eremu laranjan jarraitzen du. Amurrio eta Laudio, aldiz, eremu horian daude.
Jaurlaritzak Europar Batasunak (EB) onartutako koloreen mapa egokitu du, eta azken 14 egunetan metatutako eragin-tasaren arabera sailkatu ditu EAEko udalerriak. Zehazki, semaforo horrek kolore berdea, laranja, horia edo gorria erabiliz sailkatzen ditu 5.000 biztanletik gorako udalerriak, azken bi asteetan hautemandako koronabirus kasu berrien arabera. Zehazki, koloreak horrela erabiltzen dira:
