Itxi

2021/08/18

20:33

Gizartea

Koronabirusa

Tabernetan eta diskoteketan sartzeko covid ziurtagiria eskatzearen kontra agertu da Auzitegi Gorena

AGENTZIAK | EITB MEDIA

Establezimenduetan sartzeko txertaketaren ziurtagiria edo test negatibo bat aurkeztea derrigorrezkoa izatea nahi dute hainbat erkidegok, baina auzitegiek atzera bota dute neurri hori.     

  • Iruñeko taberna baten barrualdea. Artxiboko argazkia: EFE

    Iruñeko taberna baten barrualdea. Artxiboko argazkia: EFE

  • Whatsapp
  • Whatsapp
  • Telegram
  • Bidali

Tabernetan eta diskoteketan sartzeko covid ziurtagiri digitala derrigorrez aurkeztu behar izateko baldintzaren aurka agertu da Espainiako Auzitegi Gorena. Andaluziako Gobernuak ezarri nahi izan du neurri hori, eta Andaluziako Auzitegi Nagusiak neurria atzera bota zionean, Gorenera jo zuen.  

Andaluziako Auzitegi Nagusiaren ebazpenaren arabera, txertaketari buruzko ziurtagiria edo azken 72 orduetan egindako test negatibo bat aurkeztera behartuta, oinarrizko eskubideak urratzen dira. Gorenak berretsi egin du ebazpen hori, eta erantsi du Andaluziako Gobernuak proposatutako neurri murriztailea ez dagoela behar bezala justifikatuta.  

Andaluzia da kontu honekin Auzitegi Gorenera jo duen lehendabiziko erkidegoa, baina beste erkidego batzuk ere saiatu dira murrizketa hori ezartzen; Kanariak, Galizia eta Kantabria, besteak beste. Alabaina, tokian tokiko auzitegiek atzera bota dute aukera hori.  

Balearretan, berriz, adinekoen egoitzetan eta ekitaldi jendetsuetan sartzeko ziurtagiri digitala eskatzea baimendu dute.

 

  • Bisitatuena

      Kargatzen ikusiena
      Kargatzen ikusiena
    ;