Politika -
Elkarrizketa Euskadi Irratian
Garitano lanera itzuli da, sinkopetik erabat osatuta
Ahaldun nagusiak 8 eguneko atsedenaldia hartu du ikurrinaren aldeko ekitaldian estresagatik konortea galdu ostean.
Erredakzioa
Martin Garitano Gipuzkoako ahaldun nagusia lanera itzuli da gaur, aurreko apirilaren 26an Donostian ikurrinaren omenezko ekitaldian estresagatik sinkope bat jasan eta 8 egunera.
Garitanok Euskadi Irratian egindako elkarrizketa batean azaldu duenez, ahaldun nagusiak Zorroaga Fundazioaren 300. urteurreneko ekitaldian parte hartuko du eguerdian, Iñigo Urkullu lehendakariarekin eta beste batzuekin batera.
Garitanok konortea galdu zuen Donostian, ikurrina altxatzeko ekitaldiaren aurretik, eta Donostiako Ospitalera eraman zuten. Handik bi egunera atera zen ospitaletik, eta gaur, astebetera, lanera itzuli da.
