Politika -
'Faisan' auzia
Pamiesek helegitea aurkeztuko du Auzitegi Konstituzionalaren aurrean
Datozen egunetan babes-errekurtsoa aurkeztuko duela baieztatu du EAEko Polizia Nazionalaren buruzagi ohiaren abokatuak, "frogarik ez dagoelako".
Erredakzioa
Auzitegi Gorenaren sententziaren aurka Auzitegi Konstituzionalaren aurrean helegitea aurkeztuko du Enrique Pamies EAEko Poliziaren buruzagi ohiak. Pamiesi eta Jose Maria Ballesteros inspektoreari urte eta erdiko espetxe-zigorra eta lau urteko gaitasungabetzea baieztatu zien Gorenak.
Bestalde, Ballesteros helegitea aurkezteko aukera aztertzen ari da, Jose Luis Vegas abokatuak azaldu duenez.
Datozen egunetan babes-errekurtsoa aurkeztuko duela baieztatu du Maria Ponte Pamiesen abokatuak, "frogarik ez dagoelako".
Gainera, helegitea ebatzi bitartean Auzitegi Gorenaren epaia bertan behera uztea eskatuko dio Konstituzionalari.
