Politika -
Fiskaltzaren txostena
EAk ukatu egin du iruzur fiskala egin izana
"Ustelkeria politikoaren zakuan" sartu nahi izatea "arinkeria" dela salatu du
Erredakzioa
Pello Urizar Eusko Alkartasuneko idazkari nagusiak ukatu egin du alderdi abertzaleak iruzur fiskala egin izana, eta kritikatu egin du "ustelkeria politikoaren zakuan" sartu nahi izatea
El Pais egunkariaren arabera, Espainiako Kontu Auzitegiko Fiskaltzak delitu zantzuak atzeman ditu alderdi handienen kontuetan. EA aipatu du, besteak beste.
"Arinkeria da hori esatea, zehatz-mehatz bete baititugu Kontu Auzitegiak igorritako ebazpenak, eta [erakunde horrek] ez du inoiz aipatu iruzur fiskal zantzurik dagoenik", adierazi du. Gainera, azken 28 urteetan EAri hainbat ikuskaritza egin dizkiotela gaineratu du.
Hori horrela, alderdiak Kontu Auzitegiarekin hitz egingo duela baieztatu du Urizarrek, dena argitzeko.
