Politika -
Ustezko ustelkeria kasua
De Miguel auziko epaiketa beste bi astez atzeratu dezakete
Fiskalak eta defentsak zigorraren gainean akordiorik lortu ezean epaimahaiak erabaki hori hartu lezake. Gehienez ere, 30 egunez egon liteke De Miguel auziko epaiketa etenda.
eitb.eus
Gaur berrekitekoa zen De Miguel auziko ahozko epaiketa urriaren 15era arte atzeratu dezakete, fiskalak eta defentsak zigorraren gainean akordiorik lortu ezean, Euskal Telebistak iturri judizialen bidez jakin duenez. EAJko buruzagi ohiek komisioak jasotzeko ustez eratu zuten sarearen epaiketaren azken txanpa irailean hastea aurreikusita zegoen.
Gauzak horrela, astelehenean Arabako fiskalburuak etenaldia luzatzea eskatuko balu, Arabako Lurralde Auzitegian hastekoa zen epaiketa berriz atzeratu dezakete. Izan ere, irailaren 17an epaiketa bi astez etetea erabaki zuen epaimahaiak, Fiskaltza eta defentsak zigorraren inguruko akordioa lortzeko lanean ari zirelako.
Gehienez ere, 30 egunez egon liteke De Miguel auziko epaiketa etenda.
