Politika -
Araba
A-1 errepidearen azken zatia, Arabako Foru Aldundiaren esku
Bidesaririk gabeko sei kilometroko tartea da. Errepide zati hori kudeatzeko aurrekontua 300.000 eurokoa izango da, urtean.
AGENTZIAK | ERREDAKZIOA
Eusko Jaurlaritzak Arabako Foru Aldundiaren esku utzi du A-1 errepidearen azken zatia. Bidesaririk gabeko sei kilometroko tartea da, Burgos eta Armiñon artean. Errepide zati hori kudeatzeko aurrekontua 300.000 eurokoa izango da, urtean.
Gauzak horrela, aurrerantzean Foru Aldundiaren esku egongo dira errepide horren gaineko eskumen guztiak: planifikazioa, finantzazioa, hobekuntza lanak edota erabilera.
Batzorde Mistoa arratsalde honetan bildu da Gasteizen, eskualdatzea sinatzeko. Besteak beste, Josu Erkoreka Eusko Jaurlaritzaren bozeramailea eta Ramiro Gonzalez Arabako ahaldun nagusia izan dira bileran.
Espainiako Gobernuak joan den azaroan utzi zuen A-1 errepidearen eskumena Eusko Jaurlaritzaren esku, baina hainbat baldintza jarrita, tartean trafikoa arintzeko obrak egitea.
