Itxi

Politika

Elkarbizitza

Preso ohiei egindako ongietorrien 'arrandia' aurpegiratu dio Jaurlaritzak Otegiri

Agentziak | Erredakzioa

Lehendakaritzaren hitzetan, ekitaldiei egindako kritikak "'besarkada eskubidearen' debeku bat bezala" ulertzea "intentsitate goreneko demagogia ariketa bat da".

  • Pankarta bat Hernaniko (Gipuzkoa) kale batean.

    Pankarta bat Hernaniko (Gipuzkoa) kale batean. EiTBko bideo batetik ateratako irudia.

ETAko preso ohiei ongietorriak egin ahal diren ala ez esatea ezker abertzaleak onartuko ez duela esan du Arnaldo Otegi EH Bilduko koordinatzaileak. Arazoa ekitaldi horien "arrandia publiko eta politikoa" dela azaldu du Eusko Jaurlaritzak.

Radio Euskadi irratian egindako elkarrizketan, ongietorriak egin ahal diren ala ez esatea ezker abertzaleak onartuko ez duela ohartarazi du Otegik, espetxe politikan "irtenbide konstruktibo bat" eman ezean. "250 preso daude eta 250 ongietorri izango dira", ziurtatu du.

"Nori ongietorri egin ahal diogun edo nor besarkatu dezakegun ez digute esango", errepikatu du.

"Biktimen atsekabearenganako errespetuagatik eta sentsibilitateagatik preso ohiei egiten zaien 'ongietorriak' arrandiaz agertzeari utzi beharko litzateke", erantzun dio Lehendakaritzak ohar batean.

Jaurlaritzaren ahotan, ekitaldiei egindako kritikak "'besarkada eskubidearen' debeku bat bezala" ulertzea "intentsitate goreneko demagogia ariketa bat da".

Arazoa "ez da bakoitzak nor besarkatu nahi duen", "preso ohiei egiten zaien 'ongietorri edo omenaldien' arrandia publiko eta politikoa" baizik

"Ez da adierazpen askatasun kontu bat, ezta behartzeko gaitasuna eta noren eskumena den ere. Kontua ez da hori jurisprudentzia argia denean", gaineratu du Lehendakaritzak oharrean.

"Orain 'besarkada eskubideaz' eta 'sentimenduak' kontrajartzeaz hitz egiten ari gara!", erantsi duenez.

Arazoa "ez da bakoitzak nor besarkatu nahi duen", "preso ohiei egiten zaien 'ongietorri edo omenaldien' arrandia publiko eta politikoa" baizik; "bereziki, iraganeko memoria kritiko batentzako esanahiagatik, egindako kalte bidegabeagatik sortutako atsekabeagatik eta giza eskubideenganako errespetu pedagogia sozialagatik, gure gizartearen elkarbizitzarako oinarri gisa", azaldu du Jaurlaritzak.

Lehendakaritzaren hitzetan, "argudio hori nahikoa ez baldin bada, biktimei egiten zaien kaltea nahikoa izan beharko luke".

  • Bisitatuena

      Kargatzen ikusiena
      Kargatzen ikusiena