Politika -
Auzitegi Nazionala
Espetxean ziren azken bi CDRak aske geratu dira
Alerta Solidaria erakundeak esan du lanean jarraituko dutela terrorismoa egotzita irailaren 23an atxilotu zituzten bederatzi CDRen kontrako auzia behin betiko artxiba dezaten.
Agentzia | Erredakzioa
Errepublikaren Defentsarako Batzordeetako bederatzi kide atxilotu zituzten joan den irailaren 23an Katalunian, terrorismoa egotzita. Horietako zazpi espetxean sartu zituzten, baina dagoeneko denak aske geratu dira.
Azken biak, Jordi Ros eta Germinal Tomas, gaur gauean a atera dira Soto del Realgo kartzelatik, 30.000 eta 15.000 euroko bermeak ordainduta, hurrenez hurren.
Nolanahi ere, Auzitegi Nazionalak kautelazko hainbat neurri ezarri dizkie: pasaportea kendu diete, Estatuk ateratzea galarazita izango dute eta astean behin epaitegira joan beharko dute sinatzera.
Agiri batean, Alerta Solidaria erakundeak esan du terrorismoagatik atxilotutako bederatzi CDRren auzia behin betiko artxibatzeko lanean segituko duela.
