Politika -

Zuzendaritzaren aurkezpena

EH Bilduk trantsizio energetikorako akordioa eskaini die arabar eragileei

EH Bildu Arabaren zuzendaritzaren aurkezpenean, San Saturninok eskatu du, akordiorik lortu ezean, energia ekoizpen handiko enpresei baimenik ez emateko.

Ibon San Saturnino, EH Bildu Arabaren arduradun politikoa. Argazkia: EH Bildu
Ibon San Saturnino, EH Bildu Arabaren arduradun politikoa
Ibon San Saturnino, EH Bildu Arabaren arduradun politikoa. Argazkia: EH Bildu

EITB Media | Agentziak

Whatsapp Facebook Twitter Telegram Email

Ibon San Saturninok, EH Bildu Arabako arduradun politikoak, trantsizio energetikoa egiteko akordioa eskaini die lurraldeko eragile politiko, sozial eta sindikalei. Gainera, hitzarmenik sinatu ezean, energia kontsumo handiko enpresei baimen gehiago ez emateko eskatu du.

EH Bilduk Arabako zuzendaritza berria aurkeztu du gaur, Ibon San Saturnino buru duela, Amurrion egindako ekitaldian.

Arduradun politikoak azaldu du enpresen proiektu energetikoak "aurreikuspenik eta planifikaziorik gabe" egiten direla, berehalako etekin ekonomikoak bilatuz. Hala, San Saturninok berretsi du erakundeek euren betebeharrei heldu eta "gehiengoaren mesedetan" oinarritutako planak egin behar dituztela.

Beste alde batetik, ordezkari politikoak esan du "EAJren kudeaketa onaren mitoa" bertan behera gelditu dela Araban, eta Eusko Jaurlaritzak "paralisi politikora" eraman duela lurraldea.

Azkenik, San Saturninok azpimarratu du gizarte bidezkoago baten aldeko apustua egingo dutela, ingurumena zainduko duena eta EAJ neoliberalismoari aurre egingo diona.

Hau zure interesekoa bada, baliteke beste gai hauek ere izatea
Amurrio Politika Herriak eta Hiriak Araba Euskal Autonomia Erkidegoa EH Bildu Eguneko albisteak Albisteak Ingurumena Energia berriztagarriak Energia gaur