Politika -

ZALDIBAR, 2 urte hondamenditik

Iturgaiz: "EAJren kudeaketa ona Zaldibarren lurperatuta dago, autokritikarik eta ardura politikorik gabe"

Zaldibarko hondamendia izan zenetik bi urte igaro direnean, EAEko popularren buruak egia argitzeko ahaleginik ez egitea egotzi dio EAJri. Familiek eta gizarte osoak Zaldibarren gertatu zena jakitea premiazkoa dela esan du.

Carlos Iturgaizek Zaldibarren grabatutako bideotik ateratako irudia.
Carlos Iturgaizek Zaldibarren grabatutako bideotik ateratako irudia.
Carlos Iturgaizek Zaldibarren grabatutako bideotik ateratako irudia.

EITB MEDIA

Whatsapp Facebook Twitter Telegram Email

Bi urte bete dira gaur Zaldibarko zabortegia behera etorri eta Alberto Sololuze eta Joaquin Beltran azpian harrapatuta geratu zirenetik. Urteurrenaren harira, Carlos Iturgaiz EAEko PPren buruak EAJren kudeaketa salatu du. Horren hitzetan, hondamendiarekin batera "EAJren kudeaketa ona lurpean" geratu zen, "inork autokritikarik egin gabe eta ardura politikorik bere gain hartu gabe".

Zabortegia zegoen tokian bertan grabatutako bideo bat zabaldu du Iturgaizek Twitterren, eta bertan dionez, hildakoen familiek eta gizarte osoak "egia jakitea" nahi dute, baina jeltzaleek ez dute ahaleginik egin gertatu zena argitzeko.

Urtarrilaren amaieran Europako Parlamentuak egindako eskaria ekarri du gogora PPko buruzagiak. Zaldibarko zabortegian izandako luiziari buruz duten informazio guztia helarazteko eskatu zien Europako Batzordeari eta Eusko Jaurlaritzari, eta bide hori txalotu du  Iturgaizek: "Ikerketak zabalik jarraitu behar du, eta PPtik beti esan izan dugu ikerketak argia eta gardena izan behar duela".  

Hau zure interesekoa bada, baliteke beste gai hauek ere izatea
Lan-istripuak Politika EAJ-PNV Europar Batasuna Eusko Jaurlaritza Euskadiko PP Eguneko albisteak Albisteak Zaldibar Ingurumena Durangaldea Salaketak Euskal Herriko kutsadura gaur Carlos Iturgaiz albisteak Lur-jausiei buruzko albisteak