EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

13:00

EAE-ko Hauteskundeak 2020

Inkesta

Politikarekiko desengainuak COVID-19ak baino pisu handiagoa izan du abstentzioan

agencias | redacción

% 23k esan du politikariekin desengainatuta egoteagatik ez zuela bozkatu, pandemiagatik izan zela argudiatu zutenak baino 3 puntu gehiago. Hala ere, hauteskunde orokorretan desengainua % 44koa zen.

  • Hauteskundeak Gasteizen. Argazkia: Efe

    Hauteskundeak Gasteizen. Argazkia: Efe

  • Whatsapp
  • Whatsapp
  • telegram
  • Bidali

Politikariekiko desengainua COVID-19ak baino pisu handiagoa izan zuen joan den uztailaren 12ko hauteskundeetan izandako abstentzioa (% 47tik gora) orain arteko hauteskunde autonomikoen artean altuena izan zedin.

Eusko Jaurlaritzak hauteskundeen ostean egin ohi duen galdeketa plazaratu du, eta, besteak beste, abstentzioaren arrazoi nagusiaz galdetu du.

% 23k politikariekin desengainatuta egoteagatik izan zela onartu du, pandemiagatik izan zela argudiatu zutenak baino 3 puntu gehiago, baina desengainua % 44ra iritsi zen hauteskunde orokorretan.

Gainera, % 12k erantzun du ezein alderdi edo politikarik ez duela konbentzitzen, % 9k uste du bozkatzeak ez duela ezertarako balio, eta % 6k hauteskunde hauek ez zitzaizkiolako interesatzen.

Halaber, murriztu egin da kanpainaren informazio politiko eta elektoralaren kontsumoa, bai telebista, egunkari, irrati, Internet edo sare sozialen bidez, bai eta hauteskundeei buruz familiarekin, lagunekin eta lankideekin hitz egiten emandako denbora ere. Gainera, botoa eskubidea baino gehiago herritarren "betebehartzat" hartzea, 2019ko azaroan % 41 izatetik gaur egun % 34 izatera igaro da.

% 48k beti gauza bera bozkatzen du

Inkestari erantzun diotenen % 48k beti alderdi berari eman ohi diote botoa ( % 65 EAJren boto-emaileen artean eta % 59 EH Bilduren boto-emaileen artean). Boto fideltasuna askoz ere handiagoa da EAEn CISek Espainiako Estatuarentzat ematen duena baino (% 18).

Botoa ez emateko erabakia berandu hartu zuten herritarrek. Kanpaina hasi aurretik % 56k erabaki bazuten ere, % 16k kanpainan zehar, % 6k hausnarketa egunean eta % 18k 12an bertan hartu zuten erabakia.

Abstenitu ziren pertsonen artean, % 19k adierazi dute, emaitzak ikusita, nahiago luketela bozkatzera joan izan balitz. Kopuru hori % 24koa da Araban eta Gipuzkoan, eta % 14koa Bizkaian.

EAEko herritarren % 91k badaki EAJ izan dela boto gehien jaso dituen alderdia, eta % 72k positibotzat jo ditu emaitzak; % 18k, berriz, negatibotzat jo ditu. Egungo emaitzen balorazioa 2012koa eta 2016koa baino positiboagoa da, % 60 eta % 68, hurrenez hurren.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena