11:12

Udal eta Foru Hauteskundeak

M24-aren ondorengo itunak

Ortuzar: 'Marotok astebete dauka argi uzteko aldaketa egingo duela'

EFE

EH Bilduri dagokionez, EBBaren presidenteak esan du elkarrengandik "oso urrun" daudela baina ez direla "itsuak; EH Bildu bigarren indarra da eta zenbait gauza egiteko gaitasuna dauka".

  • Whatsapp
  • Whatsapp
  • telegram
  • Bidali

Andoni Ortuzar EBBren presidenteak Javier Maroto Gasteizko jarduneko alkateari ohartarazi dionez, astebete dauka "aldatu egingo dela" argi uzteko, bere alderdiak ikusten baldin badu "erakunde bat modu okerrean kudeatuko dutela" egoera zuzentzen saiatuko baita.

EFEk egindako elkarrizketa batean, Ortuzarrek diputazioetan eta udaletan gobernuak osatzeko itunen egoera errepasatu du, bileren lehenengo astea igaro eta gero, udal eta foru hauteskundeen emaitzen ostean.

Izan ere, zalantza handiena hiriburu arabarreko Udalean dago; bertan, Javier Marotok (PP) irabazi zuen, bederatzi zinegotzi lortuta, baina gehiengo osoa izateko 14 behar zituen. Udalen osaketa ekainaren 13an izango da.

Ortuzarren esanetan, bere alderdiak ez du "inoren kontrako" fronte batean parte hartuko, orain arte esan bezala, baina abisua helarazi dio alkate gasteiztarrari: "Marotori dagokio negoziazioak hastea; umiltasunez, gainerako alderdiekin harremanetan jarri beharko litzateke, eraiki nahiz izan duen oso bestelako hiria egiteko, bakardadean dagoelako".

"Orain arte, Marotok ez du denbora aprobetxatu, harro agertu da, hitz antzuekin, gainerako alderdiei esan die ez dagoela ezer egiterik, berari dagokiola alkate izatea eta, ondoren, hitz egingo zuela. Ez, ez, orain hitz egin behar da, lehenago hitz egin behar da".

Era berean, Ortuzarrek onartu egin du PPk proposatu diola EAJri Arabako Diputazioan agintzea, bertan EAJ gutxiengoan baitago, Maroto alkate izatea ahalbidetuz gero, baina "hori ez da EAJren estiloa", esan du.

PP, lasai

Borja Semper Gipuzkoako PPren presidente eta legebiltzarkideak baieztatu egin du alderdia lasai dagoela hiriburu arabarraren egoeraren inguruan, ez baitute uste Javier Maroto Alkatetzatik kaleratzeko "ariketa xelebrea" egingo dutenik.

Semperren iritzian, hauteskundeen ondoren, EAJk eta PSE-EEk "hasierako akordioa" lortu dute eta akordioa "ahal dutenen lekura zabalduko dute" eta ez dute "bestelako alderdirik beharko", nahiz eta horrek "egonkortasun handiagoa" emango lieketen.

Gasteizko kasuan, "lasaitasunez aurre egiten" diote egoerari, EH Bilduk egindako iragarpena gorabehera, Alkatetzatik kanporatzeko.

EH Bildu

EH Bilduri dagokionez, EBBaren presidenteak esan du . EH Bilduk EAJren kontrako oposizioan oinarritu du bere zeregina, politika arintasunez epaitzen, Euskadin inoiz ikusi ez den bezala, jakinda salaketelkarrengandik "oso urrun" daudelaa horien atzean ez zegoela ustelkeriarik".

EAJren buruaren ustean, "gabezia teknikoak edo administrazio mailako arazoak ustelkeria gisa aurkeztu nahi izan dituzte, eta EH Bilduk, hori eginda, marra gorriak gainditu egin ditu".

Halere, nahiz eta elkarrengandik oso urrun dauden, Ortuzarrek esandakoa azaldu du: "Ez gara itsuak; EH Bildu bigarren indarra da eta zenbait gauza egiteko gaitasuna dauka, esaterako, bakea eta elkarbizitzaren gaian, eta arlo horretan ezin dugu baztertu, baizik eta pausoak ematen lagundu".

PSE-EE

PSE-EErekin egindako negoziazioen inguruan, Ortuzarrek azpimarratu egin du bi aldeek "akordioak lortzeko borondatea" dutela, baina erakunde bakoitzean egoerak ezberdinak direnez, negoziazioak lurraldeka egitea erabaki dute. "Lurralde bakoitzean erabakitzen dena -Andoaingo eta Oiongo kasuak barne- EBBk bere gain hartuko du", ziurtatu du.

Negoziazioetan, EAJ saiatuko da PSE-EEk egonkortasuna ematen Urkulluren Gobernuari. "Diputazioetako eta udaletako programetan akordioa baldin badago, logikoa da Jaurlaritzan ere ildo horretatik jotzea".

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena