EAJk irabazi du Bizkaian eta Bilduk Gipuzkoan

EAJk irabazi du Arabako (% 24,6) eta Bizkaiko Batzar Nagusietan (% 36,3), eta Bildu izango da garaile Gipuzkoan (% 34), Ipsosek EITBrentzat udal eta foru hauteskundeetan egin duen inkestaren arabera.

Araba

Arabako Batzar Nagusietarako hauteskundeetan EAJk lortuko ditu boto gehien, % 24,6 hain zuzen ere, eta 13-15 batzarkide lortuko ditu. Bildu izango da bigarren, botoen % 24,1 lortuta eta batzarkide kopuru berbera eskuratuko du, 13 eta 15 artean.

Horien atzetik geratu da PP. Inkestaren arabera, Araban botoen % 20,3 lortu du eta 10-12 batzarkide egokituko zaizkio.

PSE-EEk, botoen % 17,8 jasota, 8 eta 10 batzarkide artean lortuko ditu.

Aralarrek (% 3,9) eta Ezker Batuak (% 3,2) gutxienez batzarkide bana lortuko dituzte eta gehienez bi.

UPyDk agian batzarkide bat eskuratuko du, botoen % 1,3 jasota, baina agian ordezkaririk gabe geratuko da.

Parte-hartzea % 61,4koa izan da, aurrekoan baino % 2,4 baxuagoa.

Bizkaia

Bizkaiko Batzar Nagusietan EAJk irabaziko ditu berriro hauteskundeak. Hautesleen % 36,3ren babesa jasoko du eta 20-23 batzarkiderekin indar bozkatuena izango da.

Bildu izango da bigarren indarra lurralde horretan botoen % 21,8 lortuta. Boto horiei esker, 11-13 ordezkari lortu ditu. PSE-EE hirugarren indarra izatera pasatuko da, botoen % 16,5 eskuratuta, eta 8 eta 10 batzarkide sozialista izango ditu.

PPk sei edo zazpi batzarkide izango ditu Bizkaiko Batzar Nagusietan botoen %13,4rekin.

Azkenik,&' || 'nbsp;EBk botoen %3,2 eskuratuko du, eta agian batzarkide bat lortuko du, baina agian bat ere ez.

Parte-hartzeari dagokionez, % 63koa izan da, eta duela lau urte % 60,4koa izan zen.

Gipuzkoa

Gipuzkoako Batzar Nagusietan Bilduk hautesleen % 34ren babesa jaso du, eta 19 eta 22 batzarkide artean izango ditu. EAJk 11-13 batzarkide lortuko ditu boto-emaileen % 20,5en babesarekin.

PSE-EE izango da Gipuzkoako hirugarren indarra botoen % 19,2rekin eta 10-12 batzarkide lortuko ditu.&' || 'nbsp; PP laugarren geratuko da hautesleen % 10,2ren babesarekin, eta 5-6 batzarkide geratuko dira bere esku.

Aralar izango da ordezkari gutxien lortuko dituen alderdia, botoen % 4,7rekin 1 edo 2 batzarkide izango ditu.

% 63,5ekoa izan da parte-hartzea, eta 2007an % 59,8koa izan zen.