Alfonso Gil: "Bilbo emisio gutxiko gunea izango da"

Alfonso Gil "urduri" dago Bilboko "mugikortasunaren paradigma aldaketa" dela eta, Radio Euskadiko "Boulevard Informativo" saioan adierazi duenez.

Badaki aldaketek "kontrako erreakzioa" eragin ohi dutela, baina ziur dago "epe ertainera neurriaren onurak ikusiko ditugula", Bilbo mundu osoan orduko 30 kilometro baino gehiagora zirkulatzea debekatzen duen lehen hiria bihurtu baita. Udalaren arabera, zarata, harrapaketak eta emisio kutsagarriak murriztea nahi dute.

Bilboko Udaleko Mugikortasun zinegotziak azaldu duenez, bere helburua ez da dirua biltzea, "pedagogia asko egin behar dugu". "Erabateko apustua" egin nahi dute, "hilabete batzuk barru onartuko den Klima Aldaketaren eta Trantsizio Ekologikoaren Legearekin bat datorrena".

Alfonso Gilek azaldu duenez, 2023rako emisio gutxiko guneak eskatuko dizkiete udal guztiei, eta "Bilbo emisio gutxiko gunea izango da", horrela "hiriko gune handiak oinezkoentzat jartzea saihesten da", eta "ez dugu autoaren erabilera debekatu nahi", gaineratu du.

AUDIOA | "Bilbao va a ser una zona completa de bajas emisiones" 

2:08

___________________

Jatorrizko informazioa Radio Euskadik egin eta eitb.eus-ek itzuli du.