Publizitatea
Itxi

2020/10/21

13:03

Gizartea

Koronabirusa

Andoain eta Urretxu ere gorriz COVID-19aren eragina neurtzen duen semaforoan

eitb.eus

Euskal Autonomia Erkidegoko hiru hiriburuek kolore laranja dute, tokian tokiko larritasun maila neurtzeko Jaurlaritzak prestatu duen semaforoan.

2:43
377 positibo zenbatu dira Gipuzkoan azken egunean. ETBren bideo batetik ateratako irudia.
  • Whatsapp
  • Whatsapp
  • Telegram
  • Bidali

Gipuzkoako 18 udalerri eta Bizkaiko bost gorriz sailkatu ditu gaur, asteazkena, Eusko Jaurlaritzako Osasun Sailak, COVID-19ak Euskadin herriz herri izandako eragina aztertzen duen koloreetako semaforoak. Hain zuzen ere, Europar Batasunak (EB) onartutako koloreen mapa egokitu du, eta azken 14 egunetan metatutako eragin-tasaren arabera sailkatu ditu EAEko udalerriak.

Zehazki, semaforo horrek kolore berde, hori, laranja edo gorriarekin sailkatzen ditu 5.000 biztanletik gorako udalerriak, azken bi asteetan hautemandako koronabirus kasu berrien arabera. Zehazki, koloreak horrela esleitzen dira:

Gipuzkoan, Andoain eta Urretxu batu zaizkie atzo gorriz margotu zituzten hamasei udalerriei: Astigarraga, Azkoitia, Azpeitia, Beasain, Deba, Eibar, Elgoibar, Hernani, Lezo, Oñati, Ordizia, Pasaia, Tolosa, Urnieta, Zumaia eta Zumarraga.

Intzidentzia-tasa zertxobait txikiagoa izan da beste hainbat udalerritan, eta, horren erakusgarri, laranjaz koloreztatuta agertu dira hauek: Arrasate, Bergara, Donostia, Errenteria, Hondarribia, Irun, Lasarte-Oria, Lazkao, Legazpi, Mutriku, Oiartzun, Usurbil eta Villabona.

Bestalde, Aretxabaleta, Orio eta Zarautz horiz margotu dituzte.

Bizkaian, Abadiñok, Durangok, Elorriok, Ermuak eta Lekeitiok kolore gorriari eutsi diote.

Laranjaz margotu dituzte, berriz, Abanto, Berango, Bilbo, Erandio, Galdakao, Gueñes, Muskiz, Portugalete, Ondarroa, Santurtzi, Sestao, Sopela, Trapagaran eta Zornotza.

Testuinguru horretan, ez da udalerri berderik egon, eta horiz honako hauek agertu dira: Balmaseda, Barakaldo, Basauri, Bermeo, Derio, Etxebarri, Gernika-Lumo, Getxo, Gorliz, Leioa, Mungia, Ortuella eta Zalla.

Azkenik, Araban, Agurainek eta Gasteizek ez dute lortu kolore laranjatik horira igarotzea. Gainera, Amurrio eta Laudio horiz koloreztatu dituzte.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
  • Bisitatuena

      Kargatzen ikusiena
      Kargatzen ikusiena