Publizitatea
Itxi

2021/04/09

09:48

Gizartea

Koronabirusaren semaforoa

Bilbok eta Gipuzkoak gorri kolorea hartu dute

EITB MEDIA

Gainera, Astigarraga, Errenteria eta Zarautz ere eremu larrienean sartu dira. Arabako lurraldea, berriz, atera egin da, eta laranja da orain.

  • Eusko Jaurlaritzako Osasun Sailaren semaforoa

    Eusko Jaurlaritzako Osasun Sailaren semaforoa

  • Whatsapp
  • Whatsapp
  • Telegram
  • Bidali
OHARRA: Arabako, Bizkaiko eta Gipuzkoako udalerrien egoera epidemiologikoari buruzko zerrenda hau egunero argitaratzen da, baina ez da perimetralki itxita egongo diren herrien eta hirien zerrenda. 400 kasuko intzidentzia-tasa metatua gainditu duten udalerriei buruzko ebazpena astelehenetan argitaratzen du Eusko Jaurlaritzak, eta neurri murriztaileak biharamunean sartzen dira indarrean.

Egoera epidemiologikoaren bilakaera ez da aldatu, eta larritzen jarraitzen du. Gaurkoan Bilbo, Astigarraga, Errenteria, Zarautz eta Gipuzkoa izan dira eremu larrienean, gorrian, sartu direnak, covid-19ak Euskadin herriz herri izan duen eragina neurtzen duen Eusko Jaurlaritzako Osasun Sailaren semaforoaren arabera.

Horrenbestez, 21 dira egoerarik latzenean dauden 5.000 biztanle baino gehiagoko udalerriak EAEn: Gasteiz (Araba); Bilbo, Ermua, Markina eta Ondarroa (Bizkaia), eta Aretxabaleta, Arrasate, Astigarraga, Azkoitia, Beasain, Errenteria, Lazkao, Legazpi, Lezo, Oiartzun, Ordizia, Oñati, Tolosa, Urretxu, Zarautz eta Zumarraga (Gipuzkoa).

Arabaren kasuan, azken 14 egunetan 400 kasutik jaitsi da 100.000 biztanleko (398,84); beraz, gaur egun lurraldea gune laranjan dago. Hala ere, Gasteizek gune kritikoenean jarraitzen du (436,54 kasu 100.000 biztanleko).

Bestalde, Amurriok, Agurainek eta Laudiok eremu horian jarraitzen dute.

Bizkaian, Ermuak, Ondarroak eta Markinak jarraitzen dute eremu gorrian, eta Bilbo sartu da (403,2).

Gune laranjan, aldiz, Abadiño, Amorebieta-Etxano, Balmaseda, Durango, Getxo, Muskiz, Portugalete eta Sestao daude. Bizkaiak berak ere laranjan jarraitzen du (315,57 kasu 100.000 biztanleko).

Horian hauek daude: Abanto, Arrigorriaga, Barakaldo, Basauri, Berango, Bermeo, Derio, Elorrio, Erandio, Etxebarri, Galdakao, Gernika-Lumo, Gorliz, Gueñes, Leioa, Lekeitio, Mungia, Ortuella, Santurtzi, Sopela, Trapagaran eta Zalla.

Ez dago udalerririk eremu berdean.

Gipuzkoan, gune gorrian, astinduenean, Astigarraga, Errenteria eta Zarautz sartu dira, eta hauek daude oraindik bertan: Aretxabaleta, Arrasate, Azkoitia, Beasain, Lazkao, Legazpi, Lezo, Oiartzun, Oñati, Ordizia, Tolosa, Urretxu eta Zumarraga. Gipuzkoako lurraldea bere ere eremu gorrian sartu da.

Eremu laranjan, berriz, Andoain, Bergara, Eibar, Elgoibar, Hondarribia, Lasarte, Orio, Pasaia eta Usurbil daude.

Hauek ditugu gune horian: Azpeitia, Deba, Donostia, Hernani, Irun, Mutriku, Urnieta, Villabona eta Zumaia.

Ez dago udalerririk eremu berdean.

Europar Batasunak (EB) onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
  • Bisitatuena

      Kargatzen ikusiena
      Kargatzen ikusiena