Itxi

2021/10/03

13:45

Gizartea

KORONABIRUSA

72 kasu eta % 2ko positibitatea EAEn, aurreko egunetako joerari jarraiki

EITB MEDIA

13 lagun ospitaleratu behar izan zituzten atzo covida dela eta, bezperan baino 7 gutxiago, baina ZIUn dauden gaixoak 36tik 39ra igo ziren.

  • Pertsona bat Bilboko Guggenheim Museo aurrean paseoan. Argazkia: EFE

    Pertsona bat Bilboko Guggenheim Museo aurrean paseoan. Argazkia: EFE

  • Whatsapp
  • Whatsapp
  • Telegram
  • Bidali

Eusko Jaurlaritzako Osasun Sailak igande honetan jakitera eman dituen datuen arabera, atzo, larunbata, 72 covid-19 kasu atzeman zituzten, 3.685 PCR eta antigeno test egin ondoren: 9 Araban, 28 Bizkaian, 30 Gipuzkoan, 7 Araban eta 5 Euskal Autonomia Erkidegotik kanpo bizi diren pertsonen artean.

Positibotasun tasak apala izaten jarraitzen du, 72 kasu horiek egindako proba diagnostikoen % 2 baitira, baina bezperan baino altuagoa da, hala ere, %1,3 izan baitzen orduan.

Iñigo Urkullu lehendakariak ostiralean iragarri zuenez, pandemiaren bilakaera positiboa izaten jarraitzen badu, datorren asteartean, urriak 5, bertan behera gera daitezke covid-19a kontrolatzeko Euskadin indarrean dauden murrizketa gehienak, besteak beste, edukierak, ordutegi-mugak eta taldeen mugak.

Astearteko LABI edo Babes Zibileko Planaren Aholku Batzordean proposatuko du osasun larrialdiko egoera desaktibatzea.

Ospitaleetako presioari dagokionez, atzo 13 lagun ospitaleratu zituzten covid-19agatik (20 izan ziren bezperan eta 27 aurreko egunean). ZIUn 39 lagun zeuden, bezperan baino 3 gehiago. 

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;