Politika -
Gatazka politikoa
Harriak daramatzaten kamioiak Gibraltarrera igarotzea debekatu dute
Espainiako Aduana sailak hartu du erabakia, armadoreek egoera salatuta, Estatuko Fiskaltza Nagusiak idazkia helarazi ostean.
Erredakzioa
Ogasun eta Administrazio Publikoen Ministerioaren barnean dagoen Aduana sailak harriak daramatzaten kamioiak Gibraltarrera igarotzea debekatu du, Ministerio horren hainbat iturrik jakinarazi duenez. Espainiako Aduana sailak hartu du erabakia, armadoreek egoera salatuta, Estatuko Fiskaltza Nagusiak idazkia helarazi ostean.
Gibraltarreko uretatik hurbil hormigoi-blokeak bota ostean, Miguel Arias Cañeteren ministerioak salaketa jarri zuen, eta horren ondorioz, hormigoia zeramaten hainbat kamioiei Gibraltarren sartzea debekatu zien Espainiako Gobernuak uztailaren amaiera aldera.
Arias Cañetek Ingurumen Fiskaltzaren aurrean salaketa aurkeztu zuen, "baimenik gabe" blokeak jaurtikitzeagatik, eta "hainbat ingurumen-arau" urratzea leporatuta.
Udazkenean
Bestalde, Carmen Crespo Andaluzian Gobernuak duen ordezkariak adierazi duenez, "Picardo jaunak ezin dio arrantzale espainiarrei esan noiz, non eta nola egin dezakete arrantza Espainiako ureetan".
Arrantzaleek udazkenetik arrantza egiteko aukera izango dutela iragarri du Fabian Picardok, eta horren harira, horrela mintzatu da Crespo.
