Mendia: 'PSE-EEk balore etikoetan oinarritutako bizikidetzagatik egingo du lan'

Idoia Mendia PSE-EEko idazkari nagusiak larunbat honetan, Bilbon, esan duenez, ETAren amaieraren ostean, alderdiak "balore etikoetan oinarritutako bizikidetza demokratikoagatik” egingo du lan, "herrialdean pasatu denaren egia aitortzen" duen memoriagatik eta "biktima guztien eta haien erreparazioa" aintzat hartzeagatik.

Mendiak adierazpen horiek egin ditu Bilboko La Peña auzoko Herriko Etxea bisitatu duenean. Leku horren kontrako erasoa egin zuen ETAk, 2008an, bonba batekin, Arrasaten Isaias Carrasco bertako zinegotzi sozialista hil eta egun gutxira.

Komunikabideei egindako adierazpenetan, euskal sozialisten buruak Kanboko ekitaldiaz hitz egin du. "Propaganda eta parafernalia alde batera utzita, ez du aldaketarik eragin euskal herritarren eguneroko bizitzan", esan du.

"Benetako aldaketa eragingo lukeena, ETAren inguru politikoak, ezker abertzaleak, hiltzea ez zela justua izan esatea izango litzateke, ez zuela inoiz ETAren terrorismoak egon behar Euskadin, ez zuela inoiz gertatu behar, eta guztiz bidegabea dela", nabarmendu du.

"Bereziki biktimei zor diegu; egunotan haietaz gogoratze naiz gehien", gaineratu du.