Publizitatea
Itxi

2019/12/03

12:21

Politika

XIV. legegintzaldia

Meritxell Batet eta Pilar Llop hautatu dituzte Kongresuko eta Senatuko presidente

EITB.EUS

Azkenean, ez zaio eskuin muturrari betorik ezarri: Voxek Presidenteordetza bat izango du Kongresuko Mahaian.

1:01
Meritxell Batet
  • Whatsapp
  • Whatsapp
  • Telegram
  • Bidali

Bi sozialista izango dira Gorte Orokorren buru XIV. legegintzaldian:  Meritxell Batet katalana Kongresuko presidente izango da, eta Pilar Llop madrildarra, Senatukoa. Biak ala biak gehiengo soilez eta bigarren bozketan hautatu dituzte.

Kongresuan, PSOEk, Unidas Podemosek, EAJk, Mas Paisek, Compromisek, PRCk eta CC-NC koalizioak egin dute Bateten alde (botoa sekretua da, baina alderdiek iragarritakoaren arabera hori pentsa liteke). Guztira, 166 boto. Beste hautagaiak, Ana Pastor 'popularrak', berriz 140 boto eskuratu ditu (Alderdi Popularrarenak, Navarra Sumarenak, Foro Asturiasenak eta Voxenak).

Aurrez, beste bozketa bat izan da Kongresuan, baina ezein hautagaik (Batet eta Pastorrez gain, Voxeko Macarena Olona ere aurkeztu da) ez du beharrezkoa den gehiengo osoa lortu (176 boto edo gehiago).

Lehenengo bozketan bezala, bigarrenean 19 boto baliogabe izan dira. Izan ere, ERCk eta Juntsek "Llibertat" idatzi dute boto-paperetan 'proces' auzian zigortutako politikarien omenez. Bestalde, CUPek, EH Bilduk eta BNGk (amnistia eta autodeterminazioa), 'Askatasuna' eta 'Sempre por Galiza' (beti Galiziaren alde) idatzi dute, hurrenez hurren, euren paperetan. Horrez gain, 11 boto zuri izan dira (Ciudadanos eta Teruel Existerenak).

Kataluniako auzia oso presente egon da bilkuran. Marta Rosigue ERCko diputatu eta Adineko Mahaiaren idazkariak esaterako, preso dauden diputatu ohi kataluniarrak izendatu ditu diputatu hautetsien zerrenda irakurtzen hasi baino lehen.

BIDEOA |  Rosiquek preso dauden diputatu ohi kataluniarrak izendatu ditu zerrenda pasatzean

Eskuin muturra, Kongresuko Mahaian

Voxek toki bat izango du gaur osatu den Kongresuko Mahaian: laugarren Presidenteordetza eskuratu du Ignacio Gil Lazaro PPko diputatu izandakoak, bere alderdiaren 52 botoei esker.

Gainerakoan, horrela geratu dira beste hiru Presidenteordetzak: lehena, Alfonso Rodriguez Gomez de Celisen esku egongo da (PSOE, 108 boto); bigarrena, Ana Pastorren esku (PP, 101 boto), eta hirugarrena, Gloria Elizoren esku (Unidas Podemos, 77 boto).

Mahaiko lau Idazkaritzei dagokienez, PSOEk eta Unidas Podemosek 'osasun hesia' ezarri diote Voxi. Ultraeskuina eta Ciudadanos postu horietatik kanpo geratu dira, horrenbestez. Horrela geratu dira Idazkaritzak (lehenetik hasita): Gerardo Pisarello (En Comu), Sofia Hernanz (PSOE), Javier Sanchez Serna (Unidas Podemos) eta Adolfo Suarez Illana (PP).

Gil Lazaro Voxeko diputatua, laugarren presidenteorde izendatu berritan. Argazkia: EFE

Beste sozialista bat Senatuan

Goi Ganberan, Pilar Llop sozialista aukeratu dute Senatuko presidente, 130 botorekin. Llop ere bigarren itzulian hautatu dute, lehenengoan ez baitu gehiengo osoa (133 boto) erdietsi.

Llop genero indarkerian espezializatutako epailea da. Manuel Cruzen lekua hartu du senatari madrildarrak.

Koldo Martinez Nafarroako senatari autonomikoari (Geroa Bai) egokitu zaio Senatuko bilkurari ekitea, eta euskaraz egin du hitzaldia, "dagoen aniztasuna defendatu beharreko aberastasuna dela" aldarrikatzeko.

BIDEOA | Martinezek euskaraz hasi du Senatuaren eraketa ekitaldia 

 

  • Bisitatuena

      Kargatzen ikusiena
      Kargatzen ikusiena