EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

12:37

EAE-ko Hauteskundeak 2020

U12

Jendearen osasuna lehenesten duen gobernu baten alde bozkatzeko eskatu du Iriartek

EITB.EUS

"Arduragatik eta jendearen osasuna beste edozein interesen gainetik jarriko duen gobernu bat osatzeko" bozkatzera joan daitezen eskatu die EH Bilduko lehendakarigaiak herritarrei.

1:04
  • Whatsapp
  • Whatsapp
  • telegram
  • Bidali

Eusko Legebiltzarrerako hauteskundeetan "arduragatik eta jendearen osasuna beste edozein interesen gainetik jarriko duen gobernu bat posible izateko" bozkatzera joan daitezen eskatu die gaur, igandea, Maddalen Iriarte EH Bilduko lehendakarigaiak herritarrei.

Hala esan du EH Bilduren lehendakarigaiak, 11:00etan Intxaurrondoko hauteslekuan (Durango) botoa eman ostean kazetariei egindako adierazpenetan.

"Egia esan, herritarrak zaindu eta botoa berdintasunez emateko eskubide demokratikoa beste interes ororen gainetik bermatuko duen gobernu baten alde arduraz bozkatzeko eskatzen diot jendeari", adierazi du Iriartek.

Ezohiko hauteskundeak dira gaurkoak, COVID-19aren azken agerraldiek, Ordiziakoak, bereziki, bete-betean astindu dituztelako kanpaina eta hauteskunde eguna bera.

Horrez gain, hauteskunde egun honetan gertatzen den guztiaren azken ordua minutuz minutu jarrai daiteke hemen. Gainera, eitb.eus atariak Eusko Legebiltzarrerako hauteskundeetako emaitzak zuzenean kontsultatzeko aukera eskainiko du. Informazio guztia eguneratu egingo da, U12ko hauteskundeetako botoak zenbatu ahala.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena