Frantziak gaur utziko du Espainiaren esku Sara Pinaren ustezko hiltzaile eta senarra

Sara Pina Yeregiren senar eta ustezko hiltzailea astearte honetan utziko dute Espainiako agintarien esku (Frantzian atxilo zuten, emaztearen gorpua aurkitu ostean han aurkitu baitzuten). Madrilera helduko da, eta handik Nafarroara eramango dute.

Hori horrela, asteazkenean deklaratuko du Tuterako 2. zenbakiko Instrukzio Epaitegiko buruaren aurrean, Nafarroako Auzitegi Nagusiak jakinarazi duenez.

J.M.U.A. urtarrilaren 11n atxilotu zuten Boisredon herrian (Frantzia), Tuterako epaitegiak hura atxilotzeko agindua eman ostean. Epailearen ustez, gizonak emaztea hil zuela pentsatzeko zantzuak daude. Dirudienez, emaztea hil ostean, Frantziara joan omen zen ihesi, eta Bordeletik gertu dagoen herri horretan harrapatu zuten egun gutxi batzuk geroago.

Hilketa delitua egotzita auzipetu dute.