Politika -
Diputatuen Kongresua
Saenz de Santamariak huts egin eta Werten aurkako botoa eman du
Gobernuko presidenteordea Diputatuen Kongresuko osoko bilkuraren protagonistetako bat izan da; izan ere, Hezkuntza ministroaren kudeaketa gaitzesteko mozioari babesa eman dio.
Erredakzioa
Soraya Saenz de Santamaria Gobernuko presidenteordea Diputatuen Kongresuko osoko bilkuraren protagonistetako bat izan da; izan ere, Jose Ignacio Wert Hezkuntza ministroaren kudeaketa gaitzesteko mozioari babesa eman dio. Eskakizuna PSOEk aurkeztu du, eta, bozkatzeko orduan, Saenz de Santamariak, kontrako botoa eman beharrean, huts egin eta aldeko botoa eman du. Alderdi Popularrak eta UPNk ekimenaren aurkako botoa eman dute.
Werten kudeaketa gaitzesteko PSOEren bigarren saiakera izan da. PPren gehiengo absolutuak ekimena berriro bota du atzera, duela urtebete gertatu bezala.
Hezkuntza erreformagatik (LOMCE), Erasmus beken polemikagatik edo beken murrizketengatik eskatu zuten sozialistek ministroa gaitzestea.
Presidenteordearen hanka-sartzeaz aparte, bozketan PPk eta UPNk kontrako botoa eman dute, Asturias Foroa eta UPyD abstenitu egin dira; eta CiU, Ezker Anitza (IU-ICV-CHA), EAJ, ERC eta BNGko diputatuek babestu egin dute PSOEren ekimena.
