Jokin Altuna

Altunak eta Ezkurdiak 22-14 irabazi diete Elordi eta Zabaletari Binakako Txapelketako bigarren jardunaldian. Hala, sailkapeneko lehen postuan jarri dira. Laso eta Albisu dituzte soilik parez-pare, bi garaipenekin.

Altunak eta Ezkurdiak 22-5 garaitu dituzte Etxeberria eta Rezusta hasieratik erabakita geratu den partidan. Bikote gorriak 16 tanto egin ditu jarraian, eta aukerarik gabe utzi ditu aurkariak.

Ezkurdia eta Altuna III.ak batera jokatuko dute Binakakoan, Ezkurdia, gainera, atzelari izango da. P. Etxeberria-Rezusta; Zabala-Martija; Elordi-Zabaleta; Jaka-Iztueta; Larrazabal-Mariezkurrena II.a; Artola-Imaz eta Laso-Albisu izango dira gainontzeko bikoteak.

Jokin Altuna izango da Lau t'erdiko Txapelketako podiumean, Joseba Ezkurdiari 22-20 irabazi baitio, hirugarren postua lehiatzeko partidan, Arrasaten.

Peio Etxeberriak 9-22 menderatu du Altuna Lau t'erdiko finalerdian. Partida bikaina jokatu du Aspeko pilotariak, akatsik gabea, eta Zabalaren aurka arituko da final handian.

Jokin Altunak eta Peio Etxeberriak Lau t'erdiko txapelketako finalaurrekoa jokatuko dute asteburuan, eta horretarako materiala aukeratu dute ostegun honetan, Donostian, Atano III.a frontoian. Ez dira gustura agertu pilotekin.

Jokin Altunak enegarren erakustaldia eman du Astelena pilotalekuan, 22-8 irabazi baitio Joanes Bakaikoari, tanto ikusgarriak bata bestearen atzetik eginda, eta Lau t'erdiko Txapelketarako finalerdietarako txartela eskuratu du.

Altunak 22-13 garaitu du Peña Lau t'erdiko txapelketako final-laurdenetako A multzoko lehen partidan.

Ostiral honetan ipiniko da martxan aurtengo Lau t'erdiko pilota txapelketa. Hamabi pilotari lehiatuko dira Lasoren lekukoa hartzeko bidean. Berrikuntza batzuk ere izango dira: sakea lau t'erditik egin beharko dute, eta material-hautaketa partidaren egunean bertan egingo dute. 

Jakak eta Iztuetak 18-22 irabazi diete Altuna eta Ezkurdiari San Mateo Torneoko finalean. Partidako lehen zatia oso parekatua izan da, baina hortik aurrera bikote urdina jaun eta jabe izan da.

Altunak eta Ezkurdiak 22-8 gainditu dituzte Peña II.a eta Salaverri II.a San Mateo Torneoko finalerdian, gorriek errazegi konpondu duten partida ez oso ikusgarri batean.

Jokin Altuna eta Iosu Eskiroz (Ander Imazen ordez aritu da) CaixaBank Masterseko finalerdietarako sailkatu dira, Erik Jaka eta Jose Javier Zabaleta 22-9 garaituta Lekeitioko pilotalekuan.

Altuna eta Rezusta aise nagusitu dira Artola eta Iztuetaren aurka Donostia Hiria txapelketako finalean. Aspeko bikoteak 22-6 menderatu du Baikokoa, final bikaina jokatuz.

Amezketako pilotaria oso haserre agertu da Andre Maria Zuriaren Torneoko finalaren ostean, azkenaldian pilotariei eskaintzen zaien materiala dela eta. "Hau ez da pilota", "lotsagarria iruditzen zait", "errespetu falta"... Altunak argi eta garbi adierazi du bere iritzia.

Partida ez da aurreikusten zen bezain lehiatua izan, eta Iker Larrazabalek eta Jon Mariezkurrenak garaipen erraza lortu dute Jokin Altuna eta Beñat Rezustaren aurka, 7-22 nagusituz.

Abuztuaren 8an jokatuko da Andre Maria Zuria Txapelketako finala. Gaurko garaipenaren ondoren, Altuna III.ak eta Rezustak jokatuko dute Larrazabal eta Mariezkurrena II.aren aurka.

Jon Ander Peñak Iñaki Artola lesionatuaren lekua bete du eta partida biribila egin du, Caixabank Masterseko 3. jardunaldian. Ez da Altunaren aurrean kokildu eta tanto bikainak amaitu ditu. Urdinek hankaz gora jarri dituzte aurreikuspenak. 

Ermuan jokatutako partidan, ostiralean, Jokin Altunak eta Ander Imazek berretsi dute CaixaBank Mastersa indartsu hasi dutela; izan ere, bi partida jokatu dituzte, dagoeneko, eta biak irabazi. Bikote gorria merezita gailendu da. 

Altuna-Imaz eta Larrazabal-Rezusta bikoteen arteko CaixaBank Masterseko partidan, 17na zihoazenean, Larrazabalek boleaz erantzun dio Altunaren sakeari, tantoa eginez. Altuna asko haserretu da epailearen erabakiarekin, berak argi baitauka Larrazabalek atxiki egin duela.

Artolak eta Iztuetak garaipenarekin ekin diote San Fermin Torneoko finalerdietako ligaxkan, eta lehen puntua bereganatu dute B multzoko lehen jardunaldiko partidan. Altuna III-Bikuña bikotea menderatu dute, 22-12ko emaitzarekin.

Lau bikotek badute jada multzoen faserako txartela ziurtatuta: Etxeberria-Zabaleta, Artola-Iztueta, Altuna III-Bikuña eta Peña II-Mariezkurrena II. Horiez gain, Urrutikoetxea-Albisu vs Larazabal-Imaz eta Ezkurdia-Martija vs Elordi-Rezusta partidetako irabazleek osatuko dute txapelketa.

Javi Zabalak Sanferminetako Lau t'erdiko finalerdia jokatuko du, ostiralean, Peio Etxeberriaren aurka. Errioxarrak Jokin Altuna garaitu du Mungian jokatutako partida gorabeheratsu eta gogorrean.

Jokin Altunak susto galanta eman du. Sanferminetako 4 t'erdikoko final-laurdenetan, Zabalaren aurka jokatzen ari zela, amezketarrak min hartu du ezker belaunean. Aldageletara joan da, baina jokatzen jarraitu ahal izan du.

Peio Etxeberriak, Eibarren, Aitor Elordi utzi du txapelketatik kanpo, 16-22 irabazita; Javier Zabalak, ordea, Seguran, 7-22 menderatu du Dario. Etxeberriak Ezkurdia izango du aurkari, final laurdenetan, eta Zabalak, aldiz, Altuna III.a.

Aurkeztu dute jada 2025eko CaixaBank Mastersa. Txapelketa uztailaren 18an hasiko da. Finala irailaren 14an jokatuko da. Altuna III-Imaz, Artola-Martija, Ezkurdia-Iztueta, Zabala-Mariezkurrena II, Larrazabal-Rezusta, Jaka-Zabaleta eta Elordi-Albisu bikoteek parte hartuko dute.

Inaxio Errandonea Aspeko zuzendari komertzialak aditzera emandakoaren arabera, aurrerantzean, lau t'erdiko partida guztietan sakean lau t'erditik atzera egin beharko da bote.

Buruz Buruko txapeldunak Bergaran jokatu du, asteartean, Julen Martijarekin batera; Joseba Ezkurdia eta Beñat Rezusta Binakako txapeldunak menderatu dituzte, 22-18.

Jokin Altuna da 2025eko Buruz Buruko Txapelketako irabazlea. Hala, bada, Amezketakoak bigarrenez jarraian jantzi du banakako txapela, 2024an ere garaipena bereganatu baitzuen. Txapela lortu osteko egunean EITB Mediarekin hitz egin du.

Laugarren Buruz Buruko txapela irabazi ostean, pozik iritsi da Jokin Altuna Amezketara. Herritar eta zale mordoa zituen zain, harrera egiteko prest.