Itxi

2021/09/30

12:56

Gizartea

Koronabirusaren semaforoa

Zortzi udalerri batu dira eremu berdean dauden herrien zerrendara

A. S. | EITB Media

Abanto, Basauri, Ermua, Gueñes, Santurtzi eta Zornotza dira, Bizkaian, eta Andoain eta Oiartzun, Gipuzkoan.

  • Grafikoa: EITB Media.

    Grafikoa: EITB Media.

  • Whatsapp
  • Whatsapp
  • Bidali
OHARRA: Koloretako semaforoak Arabako, Bizkaiko eta Gipuzkoako 5.000 biztanletik gorako udalerrien egoera epidemiologikoa adierazten du, baina ez dakar herriak perimetralki ixtea, mugikortasuna librea baita alarma-egoera amaitu ondoren.

Abanto, Basauri, Ermua, Gueñes, Santurtzi eta Zornotza, Bizkaian, eta Andoain eta Oiartzun, Gipuzkoan, eremu berdera igaro dira, covid-19ak EAEn herriz herri izan duen eragina neurtzeko Eusko Jaurlaritzako Osasun Sailak erabiltzen duen semaforoaren arabera. Gainera, ez dago udalerririk eremu gorrian.

Araba da EAEn intzidentzia txikiena duen lurraldea (70 kasu 100.000 biztanleko) eta eremu horian jarraitzen du, baita Gasteizek ere. Agurain eremu laranjan dago, eta Laudiok eta Amurriok berdeari eutsi diote.

Bizkaian ere, hori jarraitzen du semaforoak (72 kasu 100.000 biztanleko). Ez dago udalerririk eremu gorrian, eta Ondarroa laranjaz dago margotuta.

Hori hauek daude: Abadiño, Arrigorriaga, Barakaldo, Bilbo, Derio, Durango, Elorrio, Erandio, Etxebarri, Gernika-Lumo, Gorliz, Lekeitio, Portugalete eta Sestao.

Berango, Bermeo, Galdakao, Getxo, Leioa, Markina-Xemein, Mungia, Muskiz, Ortuella, Sestao, Sopela, Trapagaran eta Zalla berdean daude, eta, gaurtik aurrera, baita Abanto, Basauri, Ermua, Gueñes, Santurtzi eta Zornotza ere.

Gipuzkoa (76 kasu 100.000 biztanleko) ere hori dago.

Horian, berriz, hauek daude: Andoain, Azkoitia, Azpeitia, Beasain, Eibar, Hondarribia, Irun, Lasarte-Oria, Mutriku, Oiartzun, Ordizia, Tolosa, Urnieta, Urretxu, Villabona, Zarautz eta Zumaia. 

Aretxabaleta, Arrasate, Astigarraga, Bergara, Deba, Donostia, Elgoibar, Errenteria, Hernani, Lazkao, Legazpi, Lezo, Oñati, Orio, Pasaia, Usurbil eta Zumarraga eremu berdean daude, eta Andoain eta Oiartzun batu dira azken orduan.

Europar Batasunak onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
  • Bisitatuena

      Kargatzen ikusiena
      Kargatzen ikusiena
    ;