Gipuzkoako Foru Aldundia

'Hondartzak denontzat' ekimenaz hitz egin du Oier Rojo Gurutze Gorriko langileak. Doako zerbitzua da eta sorosleek laguntza eskaintzen die hondartzan ibiltzeko eta uretara sartzeko arazoak dituzten pertsonei. Getariako eta eta Hondarribiko hondatzetara gerturatzen den pertsona orori laguntzen diote.

Emakundek, aldundiek eta Eudelek gazteentzako kanpaina bat bultzatu dute aurten ere, jai-guneetan eraso matxistak identifikatu, horiei aurre egin eta errespetu eta segurtasun giroa sustatzeko. Kanpainaren leloa: "Errespetuz eraiki, beldur barik gozatu".

Udalerri horietako alokairuen prezioa mugatzea eragozten ari direla salatu du plataformak. Gipuzkoako Foru Aldundiak akusazio horiek errefusatu ditu, esanez herri tentsionatuen datuak Eustaten esku daudela dagoeneko.

Larreen irekiera ofiziala egin du Gipuzkoako Aldundiak Berastegiko Gorosmendi gainean. Gipuzkoako 32 menditan zehar banatutako 10.455 hektarea inguru osatzen duten larreetara igoko dituzte 544 abeltzainek beren abereak.

Bou Gipuzkoa arrantzontzia Matxitxakoko batailan borrokatu zen Gerra Zibilean. Erreplikak 2,70 metro luze eta 40 zentimetro zabal ditu, eta gaur inauguratu dute Donostiako portuan. Matxitxako Elkarteak, proiektuaren bultzatzaileak, Aranzadi eta erakundeen laguntza izan du.

Gurasoek seme-alabei diruz laguntzeko dauden formulak azaldu ditu Bergarako notarioak: dohaintzak, oinordetza-itunak eta maileguak. Familia bakoitzari, bere egoeraren arabera, egokien dagokiona egitea gomendatzen diote notariotzetan.

Gaur aurkeztutako kanpainarekin, Foru Aldundiak harrerari buruzko "estereotipoak" baztertu nahi ditu, eta "edozein familia, bere tamaina eta egitura edozein dela ere", harrera familia izan daitekeela defendatu nahi du.

Administrazio publikoko euskara eskakizunei buruzko "gogoeta zintzoa" egitea eskatu du Jose Ignacio Asensio Gipuzkoako Jasangarritasuneko diputatuak eta PSE-EEren Gipuzkoako buruak. "PSE-EE euskararen erabilera bultzatzearen alde dago, baina eskakizunak beste gauza bat dira", esan du.

Itsasertzetako Zuzendaritzaren Gipuzkoako Ordezkaritzaren erabakiz, aurten Donostiako Kontxako hondartzan 150 toldo gutxiago jarriko dituzte. Iaz, 440 jarri zituzten. Eneko Goia alkatea haserre mintzatu da: "Badirudi Itsasertzetkao Ordezkaritzaren helburua dela kostako herrien bizitza zailtzea".

Erakundeek, Euskadiko Parke Teknologikoak eta Columbus inbertsio funtsak hitzarmena sinatu dute. Funts horrek 80 milioi euroko inbertsioa egingo du biozientzien arloko enpresak bertan kokatzeko. Lehen fasea 2026aren amaierarako martxan izatea espero dute, 2-5 enpresa lanean hasi ahal izan daitezen.