Itxi

2021/08/11

12:51

Gizartea

Koronabirusaren semaforoa

Gueñes, Arrasate eta Orio gune gorritik irten dira

A. Cobos Herrero | EITB Media

Ildo horretatik, 5.000 biztanle baino gehiago dituzten 65 udalerri geratzen dira oraindik eremu gorrian. Gueñes, Arrasate eta Orio izan dira eremu gorritik irten eta laranjara igaro diren azken udalerriak.

  • Grafikoa: EITB Media.

    Grafikoa: EITB Media.

  • Whatsapp
  • Whatsapp
  • Telegram
  • Bidali
OHARRA: Koloretako semaforoak Arabako, Bizkaiko eta Gipuzkoako 5.000 biztanletik gorako udalerrien egoera epidemiologikoa adierazten du, baina ez dakar herriak perimetralki ixtea, mugikortasuna librea baita alarma-egoera amaitu ondoren.

Koronabirusaren intzidentzia-tasak behera egiten jarraitzen du Bizkaian eta Gipuzkoan, baina gora egin du Araban, eta aldaketak atzeman dira koloreen semaforoa erabiliz sailkatutako udalerrien zerrendan. Hain zuzen ere, covid-19ak EAEn herriz herri izan duen eragina neurtzen du Eusko Jaurlaritzako Osasun Sailaren semaforoak.

Testuinguru horretan, Gueñes, Arrasate eta Orio izan dira eremu gorritik irten eta laranjara igaro diren azken udalerriak, egoera epidemiologikoa hobetuta. Ildo horretatik, 5.000 biztanle baino gehiago dituzten 65 udalerri geratzen dira oraindik eremu gorrian. Horietako seitan, gainera, intzidentzia metatua 1.000 kasutik gorakoa da.

Arabak (532 kasu 100.000 biztanleko) eremu gorrian jarraitzen du, baita Gasteiz hiriburuak eta beste bi udalerri handik ere: Amurrio eta Laudio.

Agurainek eremu laranjan jarraitzen du, hirugarren egunez jarraian.

Horrenbestez, ez dago udalerri handirik eremu horian edo berdean Araban.

Bizkaia ere (684 kasu 100.000 biztanleko) eremu gorrian dago, baita Bilbo eta lurraldeko udalerri ia guztiak ere. Ez dago bakar bat ere horian edo berdean, eta bakarra dago eremu laranjan.

Lurralde horretan, Gueñes eremu gorritik irten eta laranjara igaro da.

Gipuzkoa (552 kasu 100.000 biztanleko) eremu gorrian dago, baita hiriburua eta ia udalerri guztiak ere: Andoain, Aretxabaleta, Astigarraga, Azkoitia, Azpeitia, Beasain, Deba, Donostia, Eibar, Errenteria, Hondarribia, Irun, Lasarte-Oria, Lezo, Mutriku, Oiartzun, Oñati, Ordizia, Pasaia, Tolosa, Urnieta, Urretxu, Villabona, Zarautz, Zumaia eta Zumarraga.

Bergarak eta Hernanik 400eko langatik behera egin zuten asteburuan zehar, eta eremu laranjan jarraitzen dute, Legazpirekin, Arrasate eta Oriorekin batera.

Gipuzkoan, Arrasate eta Orio eremu gorritik atera eta laranjara igaro diren Gipuzkoako azken udalerriak izan dira.

Usurbilek eremu horian jarraitzen du, eta ez dago udalerririk eremu berdean.

Europar Batasunak onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
  • Bisitatuena

      Kargatzen ikusiena
      Kargatzen ikusiena
    ;