Itxi

2021/08/26

13:44

Gizartea

Koronabirusaren semaforoa

Bizkaia eta Bilbo eremu gorritik irten dira

A. S. | EITB Media

Gainera, Mungiak, Legazpik eta Urnietak ere eremu latzenetik ateratzea lortu dute.

  • Grafikoa: EITB Media.

    Grafikoa: EITB Media.

  • Whatsapp
  • Whatsapp
  • Telegram
  • Bidali
OHARRA: Koloretako semaforoak Arabako, Bizkaiko eta Gipuzkoako 5.000 biztanletik gorako udalerrien egoera epidemiologikoa adierazten du, baina ez dakar herriak perimetralki ixtea, mugikortasuna librea baita alarma-egoera amaitu ondoren.

Covid-19aren intzidentzia hobera doa pixkanaka EAEn. Azken orduetan Bizkaiak eta Bilbok eremu gorritik irtetea lortu dute, covid-19ak EAEn herriz herri izan duen eragina neurtzeko Eusko Jaurlaritzako Osasun Sailak erabiltzen duen semaforoaren arabera. Gainera, Mungiak, Legazpik eta Hernanik ere.

Euskadik ere atzean utzi du gune gorria. Azken datuen arabera, EAEn metatutako intzidentzia 394 kasukoa da 100.000 biztanleko. Gaixo kritikoen kopurua ere murriztu egin da, 76 pazienteraino.

Arabak (444 kasu 100.000 biztanleko) eremu gorrian jarraitzen du, baita Gasteiz hiriburuak eta Amurriok ere.

Agurain eta Laudio, berriz, horiak dira, eta ez dago udalerririk ez eremu laranjan, ezta berdean ere.

Bizkaia (399 kasu 100.000 biztanleko) eremu gorritik irten da, baita Bilbo ere, eta 13 dira eremu honetan jarraitzen duten udalerriak: Berango, Bermeo, Derio, Getxo, Gernika-Lumo, Gorliz, Güeñes, Leioa, Lekeitio,  Ondarroa, Santurtzi, Sestao eta Sopela.

Eremu laranjan, berriz, Abanto, Arrigorriaga, Barakaldo, Erandio, Galdakao, Muskiz, Portugalete eta Zornotza daude, eta Mungia eta Bilbo gehitu zaizkie azken orduetan zerrendara, gorritik irten baitira biak. Zallan berriz egoerak okerrera egin du eta ezin izan dio horiari eutsi.

Horian, bestalde,Abadiño, Balmaseda, Basauri, Durango, Elorrio, Ermua, Markina-Xemein, Ortuella eta Trapagaran daude oraindik, eta Etxebarri ere zerrendara gehitu da.

Ez dago herri bakar bat ere berdean.

Gipuzkoa (346 kasu 100.000 biztanleko) eremu gorritik kanpo dago, baita Donostia hiriburua ere. Zortzi dira eremu honetan dauden udalerriak: Deba, Irun, Lazkao,  Mutriku, Oiartzun, Pasaia eta Usurbil.

Laranjaz margotuta ageri dira Andoain, Azpeitia, Donostia, Eibar, Hernani, Hondarribia, Lasarte-Oria, Lezo, Ordizia, Villabona eta Zarautz. Egoerak hobera egin du baita ere Urnietan eta Legazpin, eta biak gorritik laranjara igaro dira.

Arrasate, Astigarraga, Azkoitia, Beasain, Bergara, Elgoibar, Errenteria, Hernani, Oñati, Orio, Tolosa, Urretxu eta Zumarraga horian jarraitzen dute. Zumaia ere gehitu zaie, egoerak hobera egin baitu azken orduan. 

Ez dago udalerririk eremu berdean.

Europar Batasunak onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
  • Bisitatuena

      Kargatzen ikusiena
      Kargatzen ikusiena
    ;