Publizitatea
Itxi

2021/09/10

13:24

Gizartea

Koronabirusaren semaforoa

Bermeo eta Gernika aterata, bost udalerri baino ez dira geratzen eremu gorrian

A. S. | EITB Media

Balmaseda, Lekeitio eta Zalla Bizkaian eta Elgoibar eta Lazkao Gipuzkoan dira gorrian dauden udalerriak. Ortuellak datuak hobetu eta berde jarri da.

  • Grafikoa: EITB Media.

    Grafikoa: EITB Media.

  • Whatsapp
  • Whatsapp
  • Telegram
  • Bidali
OHARRA: Koloretako semaforoak Arabako, Bizkaiko eta Gipuzkoako 5.000 biztanletik gorako udalerrien egoera epidemiologikoa adierazten du, baina ez dakar herriak perimetralki ixtea, mugikortasuna librea baita alarma-egoera amaitu ondoren.

Bermeo eta Gernika eremu gorritik atera dira eta Ortuella eremurik lasaienera igaro da, berdera, covid-19ak EAEn herriz herri izan duen eragina neurtzeko Eusko Jaurlaritzako Osasun Sailak erabiltzen duen semaforoaren arabera. 

Covid-19aren transmisioak behera egiten jarraitzen du Euskadin. 221 positibo berri izan dira azken orduetan, eta birusaren bilakaeraren adierazle guztiek behera egin dute. Hiru lurraldeetako intzidentzia metatua 200etik behera kokatu da gaur. 

Arabak (168 kasu 100.000 biztanleko) eremu horian jarraitzen du, baita Gasteizek, Amurriok eta Agurainek. Laudio berdean dago eta ez dago, hortaz, udalerririk ez eremu gorrian eztan naranjan ere.

Bizkaiak ere horiari eutsi dio (197 kasu 100.000 biztanleko). Soilik hiru udalerri daude eremu gorrian: Balmaseda, Lekeitio eta Zalla. Izan ere, Bermeo eta Gernika eremu gorritik atera eta laranja jarri dira. 

Horian, bestalde, Abadiño, Abanto-Zierbena, Arrigorriaga, Barakaldo, Basauri, Berango, Bilbo, Derio, Durango, Elorrio, Erandio, Ermua, Etxebarri, Galdakao, Getxo, Gorliz Gueñes, Leioa, Markina-Xemein, Mungia, Muskiz, Ondarroa, Portugalete, Santurtzi, Sestao, Trapaga eta Zornotza daude. Sopela gehitu da zerrendara, azken orduetan egoerak hobera egin ostean. 

Ortuellak egoera hobetu eta berde jarri da.

Gipuzkoa (195 kasu 100.000 biztanleko) ere hori dago. Lazkaok eta Elgoibarrek, baina, gorri jarraitzen dute gaur.

Mutriku eta Urnietan laranjan dago semaforoa. 

Horian, berriz, hauek daude: Andoain, Arrasate, Astigarraga, Azkoitia, Azpeitia, Beasain, Bergara, Donostia, Eibar, Errenteria, Hernani, Hondarribia, Irun, Lasarte- Oria, Legazpi, Lezo, Oiartzun, Oñati, Ordizia, Orio, Pasaia, Tolosa, Urretxu, Usurbil, Villabona, Zarautz, Zumaia eta Zumarraga. 

Honenbestez, Gipuzkoan ez dago udalerririk berdez

Europar Batasunak onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu eta EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
  • Bisitatuena

      Kargatzen ikusiena
      Kargatzen ikusiena
    ;